Биир оннук тэрээһининэн “Ырыалаах сандал саас” диэн улуустаағы дэгэрэң ырыа күрэғэ буолла. Күрэх ирдэбилинэн улуус оскуолаларыттан 1-5 кылааска үөрэнэр оғолор доғуһуола суох ыллаан видеозапись ыытыахтаахтар. Төрөппүт уонна оғо бу өттүнэн ордук ыарырғаттылар, ол да буоллар конкурска көхтөөхтүк кытыннылар. Аныгы сайдыылаах кэмңэ фольклор көрүңнэрин интэриэһиргиир, ыллыан-туойуон бағарар оғолор бааллара киһини үөрдэр-манньытар. Дэгэрэң ырыаны Христофор Максимов иккис тыыннаабыта. Билигин Байбал Сэмэнэп, Анатолий Бурнашев, Варя Аманатова, Далаана дэгэрэң ырыаларынан саха эстрадатын ураты көрүңнээтилэр. Онон норуот тыыныгар уһуйар оғолорбут дэгэрэң ырыалаах, кылыһахтаах тойуктаах үүнэн-сайдан иһиэхтэрэ, саха омук ураты хайысхатын тобулуохтара диэн санаалаах конкурспутун түмүктээтибит. Дьүүллүүр сүбэ председатель Леонтьева Марина Иннокентьевна- Эбии үөрэхтээһин киинин директора, Харитонова Лидия Васильевна- “Арчы” норуот айымньытын дьиэтин директора, Федорова Саргылана Семеновна-Эбии үөрэхтээһин киинин педагога биир санаанан үлэлэһэн күрэх түмүгүн таһаардылар. Ол курдук 1 миэстэ Никифорова Харыстаана Ой орто оскуолатын 2а кылааһын үөрэнээччитэ, 2 миэстэ Соловьев Мичил Ой орто оскуолатын 4а кылааһын үөрэнээччитэ, 3 миэстэ Громова Милена,Ой орто оскуолатын 4а кылааһын үөрэнээччитэ ыллылар. Кыттааччыларга сертификат,кыайыылаахтарга грамоталар туттарыллыахтара. Бука бары кыттааччыларга, төрөппүттэргэ махтал буоллун!